Мәлім болған ақпаратқа сай, мәнерлеп сырғанаушы Lexus GX көлігінің айналарын ұрламақ болып жатқандардың үстінен түскен. Сол арада жанжал шығып, Денис Тен оң жақ санының тұсынан пышақ жарақатын алған.
«Тен Денис Юрьевич өз көлігінің айнасын ұрламақшы болған белгісіз екі адамның үстінен түскен. Екі арада басталған жанжал кезінде әлгі адамдар азамат Д.Ю Тенге пышақ жарақатын салған. Аталған дерек бойынша сотқа дейінгі тергеу жұмыстары басталды, күдіктілерді анықтау және қолға түсіру жөніндегі іс-шаралар жүргізіліп жатыр, және бұл іске ІІД-нің барлық құрамы жұмылдырылды», — деп хабарлады қалалық ІІД-нің баспасөз қызметі.
Зардап шегуші жедел ауруханаға жеткізілген. Дәрігерлер оның жағдайын аса ауыр деп бағалаған. Шұғыл түрде жүргізілген реанимациялық шараларға қарамастан, спортшының өмірін сақтап қалу мүмкін болмады. Денис Тен қайтыс болды.
Комментариев: 0