Lynk&Co өз Zeekr 001-ін шығарады

Geely концернінің құрамына кіретін Lynk&Co алғашқы электроседаны Zero-ны Бейжің автосалонында көрсетуі керек еді. Бірақ компания электрокардың жаңа суретін ғана жариялады. Lynk&Co топ-менеджерлерінің бірі Флинн Чен седан әлі сынақтан өтіп жатқанын айтты.

Lynk&Co Қытайдың Аньхой провинциясындағы Хуаншань тау жотасында Zero-ның жүріс бөлігін сынады. Жаңа фотосессиядан модельдің шанақ дизайнын анық көруге болады. Zero тегіс сұлбасымен көз тартады, модельдің алдыңғы бөлігінде капотты бойлай диодты жолақ, ал артқы жағында спойлер орналасқан.

Lynk&Co Zero өзге Geely модельдері сияқты SEA платформасына негізделген, олардың арасында ең танымалы — Zeekr 001. Бұл электрокар жақында жаңарды, ондағы технологиялар Zero-ға да қойылады. Жаңа өнім 800 вольтты архитектура және 421–788 ат күшіне ие күштік құрылыммен жүреді. Яғни, технологиялық тұрғында 001-мен бірдей болады.

Lynk&Co Zero-ның өлшемі де Zeekr 001-мен бірдей, ұзындығы — 5 метр, дөңгелек базасы — 3 метр. Жаңа өнім Xiaomi SU7 және Lotus Emeya модельдеріне бәсекелес болады.

Lynk&Co Zero тұсаукесері биыл мамырда өтеді деген ақпарат бар. Тұсаукесер Қытайда емес, брендтің отаны Швецияда өтеді.