Lynk&Co маркасы Z10 электроседанын таныстырды

Lynk&Co компаниясы Z10 деп аталатын жаңа электрокарын көрсетті. Төрт есікті флагманның бағасы 200 мың юань (12.5 млн теңге) шамасында болады. Өз отанында модель Xiaomi SU7 және Zeekr 001-мен бәсекеге түседі.

Lynk&Co 2020 жылы Zero концептісін жұрт назарына ұсынған. Бірақ ол кейін Zeekr 001-ге айналды. Ал жаңа өнімге The Next Day деген прототип негіз болды. Седан брендке тән дәстүрлі стильде әрленген, десе де жарық техникасы мен артқы тіреуі басқаша. Дөңгелек дискісінің өлшемі — 21 дюйм.

1 / 11

• 
• 
• 
• 
• 
• 
• 
• 
• 
• 
• 

1 / 11

Алдыңғы кедергі коэффициенті небәрі 0.198-ге тең. Электрокардың габариті 5028×1966×1468 мм, ал дөңгелек базасы 3005 мм екенін ескерсек, бұл таңғалатын көрсеткіш. Машина Geely концерні жиі қолданатын SEA платформасына негізделді. Шанақ каркасының 85%-ы өте мықты болат пен алюминийден жасалған, бұл оның беріктігі мен қауіпсіздігін арттырады, ал аккумулятор тұратын бөлік 65 тонна жүктемеге шыдас береді.

1 / 14

• 
• 
• 
• 
• 
• 
• 
• 
• 
• 
• 
• 
• 
• 

1 / 14

Минималистік салонында ықшам аспаптар панелі мен пішіні оғаштау рөл, 15.4 дюймдік ортаңғы дисплей тұр. Медиажүйені Meizu-дің Flyme Auto операциялық жүйесі басқарады. Қолжетімді опциялар қатарында бүкіл орындықтағы желдеткіш пен массаж функциясы, 23 динамикті Harman Kardon акустикасы және Nvidia Orin-X лидары мен чипінен тұратын «автопилот» бар.

Айтпақшы, Қытайда емес, Швециядағы Гётеборг қаласында өткен таныстыру шарасында Lynk&Co седанның техникасына қатысты көп мәлімет бермеді. Z10 электромотормен жүреді және алғашқы жүздікті 3.5 секундта еңсереді екен. Жүріс қоры — 800 шақырым, ал 800 вольттық архитектура 15 минутта 573 км-ге жететін қор жинауға мүмкіндік береді. Аспасында бейімді амортизаторлар мен пневмоэлементтер болады. Әзірше жаңа модель қашан конвейерге тұратыны да, қашан жолға шығатыны да белгісіз.