Liberty Walk тюнерлері жасаған Land Cruiser Prado

Liberty Walk шеберлері алғаш рет Toyota Land Cruiser Prado-ға назар аударды. АҚШ-та ол Land Cruiser ретінде танымал. Тюнерлер бастырықты SEMA шоуында көрсетті. Шанақ элементтерінің толық жинағы 8800 доллар (4.6 млн теңге) тұрады.

Prado әлдеқайда сұсты көрінуі үшін мамандар жаңа бамперлер, табалдырыққа қосылған ірі арка кеңейткіш және ауа өткізгіш орнатты. Мұндай Land Cruiser Prado-ның артындағы диффузор және екі аэродинамикалық элемент (жүксалғыш есігіндегі ортаңғы спойлер мен үстіндегі антиқанат) оның асфальтқа бейімделгенін көрсетеді.

1 / 11

• 
• 
• 
• 
• 
• 
• 
• 
• 
• 
• 

1 / 11

Суреттерден шоукардың клиренсі төмен екені байқалады, бірақ тюнерлер бұл туралы толық ақпарат бермеді. 24 дюймдік Vossen дискілері Toyo Tires Proxes ST III шиналарымен қапталған. Машина Alpharex компаниясы жасаған жарықдиодты оптикамен жабдықталған. Бұл екі бөлшек негізгі жинаққа кірмейді, жаңа дискілерді ателье 14 850 долларға (7.8 млн теңге) ұсынады, фара мен шам бағасы әзірге белгісіз.

АҚШ-та бұл модель 2.4 литрлік турбомоторға негізделген i-Force Max гибрид жүйесімен жүреді, ол 326 ат күшін және 630 Нм момент береді. Бағасы — 57.2 мың доллар (30 млн теңге). Қазақстанда 163 ат күшіне ие 2.7 литрлік моторы бар түрленімнің құны 36.3 млн теңгеден басталады.