Lexus Жапонияда көлік қуаттайтын бекеттер салады

Жапония тұрғындары электромобиль алуға асығар емес. Бұған себеп те көп, соның бірі — көлік қуаттайтын бекет тапшылығы. Қуаттағыш қолдану да электромобиль иелерін біраз әуреге салатын көрінеді. Lexus енді осы мәселені ішінара шешуге ниетті.

Bloomberg агенттігі Lexus басшысы Такаси Ватанабэның «компания қазір Lexus-қа арналған қуаттау бекеттерін салу бағдарламасын зерттеп, іске асырып жатыр» деген сөзін жазды. Бренд фирмалық қуаттағышын алдымен өз отанында сынап көреді, кейін ол басқа елдерде пайда болады.

Компания станция салумен шектелмей, клиенттеріне жайлы жағдай жасауды жоспарлап отыр, бұл электромобиль иелерінің өмірін жеңілдетеді.

Марка қуат портының қай түрін таңдайтыны әзірше белгісіз. АҚШ-та Toyota мен Lexus Tesla-ның суперчарджерін қатар қолдануға келіскен, ал өз елінде CCS1 стандартын пайдаланатын шығар.