Lexus жаңартылған GX 460 үлгісінің алғашқы фотосуреттерімен бөлісті. Сырттай оны алдыңғы нұсқаларынан өзгеше радиатор торы мен шамдарынан ажыратуға болады.
Инженерлер автокөліктің қауіпсіздігіне аса мән берген. GX-тің базалық нұқасында бейімделгіш круиз-бақылау, жарықты автоматты басқару және жол белгілерін анықтау мүмкіндіктеріне ие Lexus Safety System+ пакеті бар. Сонымен қатар салондағы USB-жалғаыштардың да саны артты.
Жаңарған Lexus GX үлгісінің Off-Road Package деп аталатын жол талғамайтын нұсқасы да шықты. Ол жанармай багының қорғанысына, айнала шолуға арналған камераларға және Multi-Terrain Select жүйесіне ие.
Көлік қақпағының астында еш өзгеріс жоқ. GX 301 аттың күшін беретін 4.6 литрлік V8 арқылы қозғалысқа келеді. Агрегат 6 сатылы автоматпен және толық жетек жүйесімен жұптаса жұмыс істейді. Судай жаңа көліктің бағасы да, оның сатылымға қашан шығатыны да әзірше белгісіз.
Комментариев: 0