Lexus жаңа моделіндегі рөл-штурвалды жақсартады

Элементтері өзара тікелей байланыспайтын, «сым арқылы» (steer by wire) басқару жүйесі жаңа Lexus RZ-тің басты жаңалықтарының бірі болды. Авиация штурвалын еске салатын рөлдегі жүргізуші қолының қозғалысын борттық компьютер цифрлы сигналға айналдырып, электромоторға жеткізеді, сол арқылы алдыңғы дөңгелектің айналу бұрышын реттейді. Lexus-тың электрлі қашықтан басқару жүйесінің арқасында рөлді айналдырудың қажеті болмайды, әзірлеушілер бұл жүйе көлік жүргізгенде аса қауіпсіз екеніне сендіріп отыр.

Toyota bZ4X/Subaru Solterra-мен платформалас модель биыл саудаға шығады, бірақ қазірше электрокроссовердің кәдімгі рөлі бар нұсқасын ғана алуға болады. Тәуелсіз сарапшылар оң баға бермегендіктен, электрлі штурвал өндіріске кеш енетін болды. Олар мұндай рөлдің жүргізушілерге қиындық туғызбайтынына сенбейді.

Car & Driver дереккөзі хабарлағандай, инженерлер анықталған кемшіліктерді жоюға кірісіп кетті. Атап айтқанда, маневр жасағанда ыңғайлы болу үшін штурвалдың әр бағытта айналу бұрышын 150-ден 200 градусқа арттырады.

Lexus технологияның болашағына сеніммен қарайды, марка жүргізушілер мұндай рөлге тез бейімделеді деп отыр. Компания алдағы уақытта өзге Lexus модельдеріне де осындай рөл орнатады.