Lexus үшінші буындағы GX-тің екі тизерін жариялады. Одан жол талғамайтын көліктің оптика, капот және дөңгелек аркасын қамтитын алдыңғы бөлігін және артқы жағындағы эмблема мен жарықдиодты ұзын жолақты көруге болады.
Модельдің техникалық жағына қатысты ресми ақпарат жоқ. Бірақ Land Cruiser 300, Tundra, Sequoia, Lexus LX және жақында жарық көретін Tacoma сияқты Toyota-ның рамалы платформасына негізделеді деген болжам бар. GX-тің капот астында іштен жанатын мотормен қатар гибрид күштік құрылым да болады.
Үшінші буындағы Lexus GX тұсаукесері 9 маусымда өтеді, машина 2024 жылы сатылымға шығады. TLC 300 және Lexus LX-тен айырмашылығы бұл жолы алдымен премиум нұсқасы жарық көретін сияқты. Өйткені жаңа Land Cruiser Prado-ның тұсаукесері жайлы қазірше ақпарат жоқ. Тек кей инсайдер модельді биыл жазда көрсететінін хабарлаған.
Комментариев: 0