Lexus Жапония нарығына RZ электромобилінің RZ 300e индексті бір моторлы модификациясын ұсынды. Кроссоверге екі моторлы көліктегі 71.4 киловатт батарея орнатады.
Компания RZ 300e электрокарын 204 ат күшін (266 Нм) беретін электрлі мотормен жабдықтады.
Кроссовер шамамен 100 келі жеңілдеп, электр қуатын аз тұтынады. Нәтижесінде жарияланған жүріс қоры 599 шақырымға жетеді, ал толық жетекті RZ 450 шақырым жүреді. Салмағы мен жетегіндегі өзгерістер кроссовер шассиін қайта өңдеуге мәжбүр етті. Алдыңғы серіппелердің, амортизаторлардың және тұрақтандырғыштардың параметрі оңтайланды, ал артқы аспада жаңа компоненттер пайда болды. Бұл жайлылық пен маневр жасау мүмкіндігінің жоғарылауын қамтамасыз етеді.
Екі электрокар да суық мезгілде қуаттау жылдамдығын арттыруға арналған батарея жылыту жүйесімен жабдықталды. Мамандардың есептеуінше 20-30 пайыз уақыт үнемдейді.
Lexus RZ 300e 8.2 миллион иенге (25.4 млн теңге) бағаланса, толық жетекті RZ 450e сәл қымбатырақ — 8.8 миллион иен (27.7 млн теңге). Компания электрокарды Жапонияда ғана емес, әлемнің басқа тоғыз өңірінде, соның ішінде Орталық және Оңтүстік Америкада сатады.
Комментариев: 0