Lexus қуатты кроссоверлермен бәсекеге түседі

Еуропада фототыңшылар камуфляжбен қапталған ерекше Lexus RX-тің прототипін суретке түсіріп алды. Машинаның алдыңғы бампері, капоты және арка кеңейткіштері бүркелген. Төмен клиренс, жалпақ Michelin Pilot Sport 4 шиналары мен ірі Brembo тежеуіштері кроссовердің спорттық, қуатты модификациясы шығатынын аңғартады.

1 / 10

• 
• 
• 
• 
• 
• 
• 
• 
• 
• 

1 / 10

Сынақтағы экземплярдың суреттері Mag X басылымы бұған дейін жариялаған мәліметті растады. Олар инсайдерлерге сілтеме жасап, марка RX-тің Morizo RR деп аталатын жаңа түрленімін әзірлеп жатқанын хабарлаған.

Mag X мәліметінше мұндай көлік Toyota-ның жаңа 2 литрлік турбомоторын алады. Ол екі электрлі қозғалтқышпен жұптаса жұмыс істейді. Күштік құрылымның жалпы қуаты 600 ат күшінен асады. Соның арқасында жапон кроссовері BMW, Audi және Mercedes-AMG-дің мықты модельдеріне бәсекелес болады.

Стандарт нұсқа рестайлингтен өткеннен кейін, 2028 жылы Lexus RX Morizo RR жарық көреді.