Жапониялық Best Car басылымы назар аударалық мәлімдеме жасады. Ондағы ақпаратқа сенсек, Lexus IS үлгісінің төртінші буыны неміс моторын иеленуі мүмкін екен. Бұл жерде сөз 3 литрлік қатарлы B58 алтылығы жайлы болып отыр. BMW M340i, Z4 M40i мен Supra спорткарының жаңа буынын қозғалысқа келтіретін үрлемелі агрегат 335-тен 382-ге дейін күш береді.
Басылым BMW қозғалтқышының гаммада жалғыз болмайтынын атап айтты. Ол көлемі 2 және 2,4 литрлік жапониялық қатарлы төрттіктермен және 2,5 литрлік агрегат базасындағы гибридпен бірлесе жұмыс жасайды.
Lexus IS үлгісінің төртінші буыны 2021 жылы жарық көруі тиіс. Осы орайда B58 қозғалтқышына өтеді деген ақпараттың тек болжам екенін айта кеткен жөн. Toyota компаниясының өзі бұл жайында пікір білдіруден бас тартты.
Комментариев: 0