Lexus GX күннен қорқады

Lexus GX-тің сыртындағы кей бөлігі күн сәулесіне шыдамсыз болып шықты. The Drive хабарлағандай, АҚШ-та әлеуметтік желіде жол талғамайтын көліктердің бүйірлік айнасы мен кейбір шанақ элементі еріп кеткенін көрсететін фотосуреттер жарияланды. Автомобиль жүйесіндегі ақау мұндай деформацияға себеп бола алмайтыны белгілі болды.

Жүргізуші жақтағы айнасы еріген Lexus GX иесі басылымға көлік көшеде төрт күн тұрғанын, бірақ жанында ешқандай жылу көзі болмағанын айтыпты. Машинаны тексерген сервис орталығының мамандары айнадағы қыздыру элементі дұрыс жұмыс істеп тұр әрі теріс эффект туғызуы мүмкін емес деген.

1 / 4

• 
• 
• 
• 

1 / 4

Тағы бір GX иесі шілдеде сатып алған көлігі тамызда күн астында еріп кеткенін айтты. Машинаға мінер алдында ортаңғы тірекке қолы тиіп кетіп, қол күйдіретіндей ыстық екенін сезіпті. Бірақ сол күні ауа температурасы небәрі 12°C болған. Тұрғын он жылдан бері бір жерде тұрып, жұмыс істегенін, басқа көліктерінде мұндай жағдай болмағанын айтты.

Басылым АҚШ-тағы Lexus өкілдігіне хабарласып, ешбір жауап ала алмады. Сондай-ақ тағы бір тұрғынның жаңа Toyota Land Cruiser Prado-сы осындай проблемаға тап болған, машина шанағының оң жағы алты жерден балқып кетіпті. Көлік иесінің айтуынша, дилер мұндай ақау кепілдікке кірмейді деп, автомобильді күн астына қоймауға кеңес берген.