Америкалық Consumer Reports журналы ең сенімді машиналарды анықтау мақсатындағы дәстүрлі зерттеу нәтижесін жариялады. Мамандар ақпаратты көлік иелері арасында сауалнама жүргізу арқылы жинайды, жиналған дерек бойынша ең жоғары ұпайы 100 балл болатын рейтинг құрастырылады.
Жүз ұпайға ие болу үшін модельге иелері ешқандай шағым білдірмеуі керек. Кезекті зерттеу нәтижесі бойынша Lexus GX 460 (J150) үздік деп танылды. Жақында жаңа медиажүйе орнатылып, интерьері сәл өзгертілген жол талғамайтын көлік 100 балл жинады. Үздік бестікке Kia Niro EV (95 балл), Toyota Prius Prime, қарапайым Prius және Cadillac XT5 енді.
Ал сенімсіз көліктерге келетін болсақ, антирейтинг көшін Mercedes-Benz GLE бастады (5 балл). Одан кейінгі қатарға «Фордтың» екі моделі Explorer (8 балл) мен Mustang (9 балл) жайғасты. Бұл тізімде үздік бестікке Chevrolet Silverado (11 балл) мен Corvette (13 балл) енді.
Consumer Report маркалар арасындағы рейтингті де жариялады. 2021 жылы Lexus Mazda-ны бірінші орыннан ығыстырды. Ал 3-5 орындарға Toyota, Infiniti және Buick жайғасты. Айта кетерлігі, үздік үштікке енген брендтердің ұпайы қарайлас: сәйкесінше 76, 75 және 71 балл.
| Орын | Марка | Нәтиже (балл) |
| 1 | Lexus | 76 |
| 2 | Mazda | 75 |
| 3 | Toyota | 71 |
| 4 | Infiniti | 69 |
| 5 | Buick | 66 |
| 6 | Honda | 66 |
| 7 | Subaru | 66 |
| 8 | Acura | 64 |
| 9 | Nissan | 63 |
| 10 | Mini | 60 |
Комментариев: 0