Бұдан былай машинадан шығатын ластаушы заттар мен шу деңгейі белгіленген шектен асса, ескерту жасалады немесе жеке тұлғаларға 10 АЕК, заңды тұлғаларға 100 АЕК айыппұл салынады. Егер бұл бір жыл ішінде қайталанса, жеке тұлғалар 20 АЕК, заңды тұлғалар 200 АЕК айыппұл төлейді.
Бұған дейін «лас» көлік жүргізгендерге ескерту жасалатын немесе 2 АЕК айыппұл салынатын, ал автокөлікке иелік ететін компаниялар жазаға тартылмады.
Заң жобасы дайындалып жатқан кезде айыппұл мөлшерін 2.5 есе өсіру жоспарланған болатын.
«Дөңгелекті көлік құралдарының қауіпсіздігі туралы» Кедендік одақтың 018/2011 техникалық регламентіне сай бензинмен жүретін машинаны тексергенде газ талдауыштағы көрсеткіш мына нормадан (СО) аспауы керек:
| КҚ категориясы мен комплектациясы | Қозғалтқыш айналымы | СО, көлемдік үлесі, % |
| M және N, 01.10.1986 жылға дейін шығарылған. | nмин * | 4.5 |
| M және N, пайдаланылған газды бейтараптандыру жүйесімен жабдықталмаған | nмин | 3.5 |
| nайн ** | 2.0 | |
| M және N, |
nмин | 0.5 |
| nайн | 0.3 | |
| M және N, |
nмин | 0.3 |
| nайн | 0.2 |
Ал дизельді көліктердің түтіні мына нормадан аспауға тиіс:
| Қозғалтқыш типі және экологиялық класы | k коэффициенті, |
| Үрлемсіз, |
2.5 |
| Үрлемді, |
3.0 |
| 1.5 |
* nмин (минималды) — айналым 1100 айн/мин, М1 және N1 категориясындағы автокөліктер үшін, 900 айн/мин — басқа категориядағы көліктер үшін;
** nайн (жоғары) — қозғалтқыш айналымы 2000–3500 айн/мин-қа дейін, М1 және N1 категориясындағы автокөліктер үшін, 2000–2800 айн/мин — басқа категориядағы автокөліктер үшін.
Көлік құралдарының моторынан шығатын шудың шекті деңгейі
| Көлік құралының категориясы | Дыбыс деңгейі, дБ А |
| M1, N1, L | 96 |
| M2, N2 | 98 |
| M3, N3 | 100 |
«Автомобиль көлігі. Көлік құралдарынан ауаға шығарылған газдармен ластаушы заттар. Анықтаудың нормасы мен әдісі» атты ҚР СТ 1433-2017 стандартына сәйкес, қоршаған орта температурасы 7 °C-тан төмен және 35 °C-тан жоғары болған кезде көліктен шығатын улы газдың құрамы мен түтінін тексеруге тыйым салынады. Сондай-ақ атмосфералық қысым 92 кПа-дан кем болмауы қажет.
Комментариев: 0