Land Rover Defender пикапқа айналды

Land Rover Defender-дің бұрынғы буынында пикап болған, бірақ қазіргі нұсқасы тек ұзындығы мен есік саны әртүрлі универсал ретінде жасалады. Жол талғамайтын көліктің шанағын Нидерландыдағы Heritage Customs компаниясы өзгертті. Олар Defender 130 донор болған ерекше жүк көлігін ұсынды. Бұл — жаңа Defender-ге негізделген әлемдегі алғашқы жоба.

1 / 9

1 / 9

Тюнерлер жоба туралы толық ақпарат бермеді, тек классикалық модельдерге сілтеме жасай отырып, барынша үйлесімді инженерлік шешімдер мен дизайнға мұқият көңіл бөлгендерін атап өтті. Суреттерден Heritage Customs Defender-дің екінші қатардан кейінгі артқы бөлігінің орнында жүксалғыш пен терезесі бар қатты қалқан тұрғанын көруге болады.

Сырты қауіпсіздік доғасымен ерекшеленеді, ол аэродинамикалық элементке көбірек ұқсайды. Артқы есігі бүйірге ашылады, көлік стандарт шамдарын сақтап қалған. Жүк платформасы шағын, ұзындығы — 1.0 метр, ені — 1.4 метр. Heritage Customs бұл модификацияны пикап тәрізді көлікті ұнататын, бірақ іс жүзінде оны аса қажет етпейтін клиенттерге арнаған.

1 / 4

Мамандар автомобильдің шанағын өзгертіп, толық бояйды, табиғи былғарымен қапталған жаңа интерьер және дизайны басқа дискілер ұсынады. Клиенттер машинаны өз талғамына сай әрлей алады. Аксессуарлар жинағы да бар. Донордың құнын есептемегенде бағасы 65 мың еуродан (40 млн теңге) басталады. Heritage Customs клиентке машина таңдауға көмектеседі.

Комментариев: 0