Jaguar Land Rover 2010-2016 жылдар аралығында 3 және 5 литрлік мотормен шығарылған АҚШ-тағы 111.7 мың ескі Discovery 4 мен Range Rover Sport-ты (L320) кері қайтару жөнінде шешім қабылдады.
Бұған жанармайдың бактан ағып кетуі себеп болды. Көлік иелері бензин иісі шығып, отынның машина астына ағатынына шағымданған. Тексеру нәтижесінде автоөндірушіге Vitesco Technologies компаниясы жеткізетін бак ернемегінен (фланец) ақау шыққаны анықталды.
Мәселе баяғыдан белгілі болса да, JLR-дің АҚШ-та кері қайтару кампаниясын тек биыл ұйымдастырғанын айта кеткен жөн. Ал Таяу Шығыстағы Land Rover иелері сегіз жыл бұрын сервиске шақырылған болатын.
Комментариев: 0