Land Cruiser стиліндегі айда жүретін көлік

Toyota-ның Америкадағы дизайн-студиясы 50 жылдық мерейтойын ерекше атап өтеді. Мамандар жерде ғана емес, Айда, Марста жүре алатын шағын көліктің жобасын жасады. Toyota Baby Lunar Cruiser өзге ғаламшарлықтарға әйгілі Land Cruiser FJ40 қандай болатынын көрсетеді.

Айда жүретін машина әр бұрышына дөңгелек орнатқан параллелепипед сияқты көрінеді, бірақ жоба авторлары бұл жол талғамайтын көліктің сұлбасын еске түсіреді деп есептейді. Алдыңғы жағы — әйнек капсула, ол жан-жақты анық көруге мүмкіндік береді. Рөл орнында джойстик тұр, ал аспаптар панелін үлкен экран алмастырған. Ол алдыңғы дөңгелек аумағындағы топырақты және дөңгелектің өзін көрсетіп тұрады. Проекциялық дисплей мен периметрді бойлай «көз» түріндегі сезгектер орнатқан. Интерьерін әртүрлі етіп өзгертуге болады.

1 / 6

• 
• 
• 
• 
• 
• 

1 / 6

Baby Lunar Cruiser электр қуатымен жүреді. Моторды ауасыз дөңгелек күпшегіне орнатқан. Шина мен күпшек арасындағы кеңістік тығыз орналасқандықтан, дөңгелекті бүлінуден сақтайды

Жобаның шындыққа жанасатын тұсы көп. Toyota 2019 жылы Жапонияның әуеғарыш агенттімен өзге планеталарға арналған көлік шығару туралы келісімге қол қойған. Бұл жолы компания отын элементтеріне сенім артып отыр. Айда жүретін Toyota Land Cruiser-дің жүріс қоры Жерді экватор бойымен айналып өтуге жетеді деген болжам бар.