Nikkei Asia дерегі бойынша Volkswagen Қытай, Солтүстік Америка және Еуропадағы, ал Honda Жапониядағы өндірісін қысқартты. Toyota-ның Техастағы зауытында Tundra пикаптарын шығару ісі тұралап, компания өзге модельдерге чип жете ме деп алаңдауда. Nissan Note пен басқа танымал модельдердің де қазіргі жайы осы. General Motors пен BMW әзірше қоры жеткілікті екенін, бірақ жағдайды қатаң бақылауға алғанын хабарлады. Continental мен Bosch та жабдық жеткізуде қиындыққа тап болғанын мәлімдеді.
Дағдарысқа себеп болған — коронавирус. Әлемді індет жайлағанда ноутбук пен қымбат смартфондарға сұраныс артты. Осы құрылғыларды өндірушілер жартылай өткізгіштің негізгі тұтынушылары. Ал NXP Semiconductors не STMicroelectronic сынды элемент базасын шығаратын компаниялар аяқ асты артқан сұранысты қанағаттандыра алмады. Аналитик мамандардың дерегінше, тапшылық жазға дейін болады.
Жартылай өткізгіш болмаса, көліктегі көмекшілерден бастап мультимедиаға дейінгі электронды жүйелердің ешқайсысы жұмыс істемейді.
Комментариев: 0