Toyota Land Cruiser 300-дің алғашқы партиясы ресейлік ресми сатушыларға жіберілді, көп өтпей олар қосымша опциялар орнату арқылы көбірек пайда табуды шешті. Autonews басылымы хабарлағандай, Мәскеудегі дилерлерде зауыттық жиынтықтағы дайын жол талғамайтын көліктер қалмаған. Сондықтан клиенттер келісімшарт жасалғаннан кейін крузакты алты айдан 12 айға дейін күтеді.
Сатып алушыларға қосымша жабдықтар орнатылған TLC 300-ді алу ұсынылады, бірақ оның бағасы қымбат. Қосымшалар тізімінде төменгі бөлігін тоттанудан қорғау, күңгірт әйнек және дабыл белгісі бар. Ал осы стандарт қосымшалар үшін өндіруші белгілеген бағадан 2.5-3 млн рубль артық төлеуге тура келеді (түрленімге байланысты 6.8-7.6 миллионнан). Айта кетерлігі, Ресейде үш млн рубльге (41 мың доллар) басқа жаңа машина сатып алуға болады, тіпті төмен классты екі немесе үш көлік келеді.
Қазақстанда Toyota Land Cruiser 300-дің Terra деп аталатын базалық нұсқасы 35.3 миллион теңге, эксклюзивті «Премиум 70th Anniversary» нұсқасы 49.5 миллион теңге тұрады.
Комментариев: 0