Toyota Land Cruiser 300 биыл маусым айының басында ресми таныстырылды. Жол талғамайтын көліктің стандартты нұсқаларынан бөлек, көпшілікке Gazoo Racing түрленімінің суреттері көрсетілді.
Көлікті Motor1 басылымының ресейлік журналистері Toyota кеңсесінің автотұрағынан байқап, суретке түсіріп алды.
GR Sport басқа бампер, әдеттегі логотиптің орнында Toyota жазуы бар радиатор торы, есіктегі GR Sport белгісі және дизайны өзгеше дөңгелек дискілерімен ерекшеленеді.
GR Sport-тың техникалық жағында айтарлықтай өзгеріс болмайды. Ол Land Cruiser 300-дің қымбат нұсқаларының бірі секілді жабдықталады.
Жаңа өнім біздің елге биыл күзде келеді. Онымен бірге 3.3 литрлік дизельді турбомотор Қазақстан нарығына шығады.
Комментариев: 0