Lamborghini екі суперкар шығарды: Invencible купесі мен Autentica родстері. Бұл компания тарихындағы «таза» V12 дәуірі аяқталып, гибрид технология кезеңі басталғанын білдіреді. Сондай-ақ суперкарлар Aventador флагманымен қоштасуға арналады, өйткені олар Aventador-мен бір платформада жасалған.
Купе мен родстер Aventador-да қолданылған карбон монококқа негізделген. Бірақ жаңа өнімдер өзіндік дизайнымен ерекшеленеді. Дизайнерлер Invencible мен Autentica-ның сырт пішінінде бұрын аз таралыммен шыққан Lamborghini модельдерінде кездесетін мотивтер бар екенін айтады. Мысалы, олардың экстерьеріндегі кей деталь Sesto Elemento, Reventon, Veneno және Essenza CSV12-ден алынған. Аталған суперкарлар өте аз шығып, неше миллион долларға сатылған.
Бірақ купе мен родстердің дизайны өзгеше, мысалы, негізгі оптикасы, артқы дөңгелек алдындағы үлкен ауа тартқыш және алтыбұрышты үш мұржасымен ерекшеленеді. Invencible күрделі антиқанатпен, ал Autentica шағын спойлермен қосылған екі «қанатпен» жабдықталған. Родстер құрылымында шатыр мүлде жоқ. Салондағы басты айырмашылық ретінде медиажүйе мен рөлдегі батырмалар жоқ екенін айтуға болады.
Суперкарлардың толық басқарылатын шассиі мен агрегаты Aventador-дан алынған. Ол 780 ат күшіне (720 Нм) ие 6.5 литрлік V12 мотордың үздік нұсқасы, агрегат 7 сатылы роботпен жұптасады. 2021 жылы жазда таныстырылған Aventador Ultimae арнайы түрленімі де осы мотормен жүреді.
Флагманның ізбасары 12 цилиндрлі моторды сақтап қалады. Бірақ экологиялық стандартты бұзбай қуатын арттыру үшін оған дәстүрлі батарея орнына суперконденсаторы бар электромотор орнатылады. Қуаты 700 ат күшінен артық болады.
Комментариев: 0