Lamborghini Urus супергибрид болады

Lamborghini рестайлингтен өткен Urus-ты таныстырды. Басты жаңалық күштік құрылымында — кроссовер гибридке айналды. «Урустың» сырт пішіні өзгеріп, шассиі жаңарды, ал интерьерде үлкен згеріс жоқ.

1 / 9

• 
• 
• 
• 
• 
• 
• 
• 
• 

1 / 9

Агрегат 800 ат күші мен 950 Нм береді, бұл рестайлингке дейінгі 4 литрлік V8-дің қуатынан (666 ат күші) әлдеқайда көп. Жаңа кроссовер 620 ат күшіне ие үрлемді дәстүрлі моторын сақтап қалды, ол қазір 8 сатылы автомат және 192 күшке ие (483 Нм) электромотормен бірге жұмыс істейді.

Машина 25.9 киловатт батареямен жабдықталған, Urus дәстүрлі моторсыз 60 шақырым жол жүре алады. Гибрид технологияның доноры Porsche Cayenne болған болуы мүмкін. Трансмиссияда жаңа электрогидравликалық муфта және артқы осьтегі дифференциалды бұғаттағыш бар.

Кроссовер алғашқы жүздікті 3.4 секундта еңсереді, ең жоғары жылдамдығы — 312 км/сағ (бұрынғыдан 6 км/сағ өсті). Электр жетекпен жылдамдығы сағатына 135 км-ге жетеді. Lamborghini күштік құрылымның динамикасына емес, экологиялық тазалығына мән беріп отыр: жаңа Urus SE қоршаған ортаға зиян затты 80 % аз шығарады.

Revuelto-дағы сияқты борттық электроника күштік құрылымның әртүрлі жұмыс режимімен біріктірілген. Lamborghini әртүрлі жол жағдайына қарай 11 түрлі комбинация ұснып отыр.

Urus-тың сырт пішіні Revuelto стилі мен агрегатты салқындату талаптарына сай өзгерді. Мысалы, капот, бампер және диффузор жаңарған, ал дөңгелек дискісі экологиялық таза әрі үнемді шинамен қапталады.

1 / 8

• 
• 
• 
• 
• 
• 
• 
• 

1 / 8

Салондағы батсы өзгеріс — 12.3 дюймдік ортаңғы дисплей. Сондай-ақ медиажүйеде күштік құрылым компоненттерінің жұмысы көрінеді. Жаңа шанақ түстері пайда болды, салонды әрлеуге арналған түс комбинациясының саны 47-ге жетті.

Lamborghini модельдің бағасы мен қашан саудаға шығатынын жариялаған жоқ. Компания бензинді Urus сатылымы тоқтайтынын былтыр жазда хабарлаған.