Lamborghini Huracan-ның ізбасарын таныстырды

Temerario деп аталатын жаңа өнім Huracan мен жаңа Revuelto-ның қосындысына ұқсайды, соңғысы Aventador-дың орнын басып, брендтің флагманы атанған.

1 / 9

Преемник Lamborghini Huracan представлен официально. Это гибрид Temerario

1 / 9

Жаңа әрі толық алюминийден жасалған шассиге негізделген машина 8 сатылы робот қорап және үш электромотормен жұптасатын турбоүрлемді V8-бен жүреді. Оның екеуі алдыңғы осьте, үшіншісі іштен жанатын қозғалтқыш пен беріліс қорабының арасында орналасқан. Күштік құрылымның жалпы қуаты — 920 а.к. Temerario электр күшімен жүре алады. Ол үшін суперкар алдыңғы жетекті ғана қолданады. Жүріс қоры көп емес, шамамен 8 километр (батареясының сыйымдылығы — небәрі 3.8 кВт*сағ).

Lamborghini Temerario алғашқы жүздікті 2.7 секундта еңсереді, ал 0-ден 200 км/сағ-қа дейін 7.7 секундта жылдамдық алады.

1 / 3

Суперкардың интерьері Revuelto-ға ұқсайды. Алдыңғы панельде үш дисплей: цифрлы аспаптар панелі, медиакешенінің тік тачскрині және жолаушы алдында шағын экран бар. Борт функциясының көбі ортаңғы дисплей немесе рөлдегі батырма арқылы басқарылады.

1 / 18

Lamborghini Temerario Alleggerita

1 / 18

Lamborghini модельдің нақты салмағын жариялаған жоқ, бірақ Temerario Huracan-нан 270 келі ауыр болады деген болжам бар. Бұған аэродинамикалық бастырығы бар Alleggerita пакеті әсер етіпті. Alleggerita пакеті карбон дөңгелек дискісі мен титаннан жасалған газ шығару жүйесін қамтиды, бонус ретінде клиенттер көміртекті пластиктен жасалған есік картасы, жұқа алдыңғы әйнек және поликарбонат бүйірлік терезеге тапсырыс бере алады.

Марка тұсаукесер кезінде Temerario-ның бағасын жариялаған жоқ, бірақ жаңа өнім Huracan-нан қымбат болады деген болжам бар.

Комментариев: 0