Lamborghini Diablo рестомодқа айналды

Былтыр жазда сан-маринолық стартап Eccentrica Cars Lamborghini Diablo-ға негізделген рестомод жасайтынын жариялаған. Ал биыл тамызда олар Eccentrica V12-нің фотосуретін көрсетті. Машина Monterey Car Week-те ресми жарық көреді.

Eccentrica V12 сырттай классикалық Diablo-дан сәл өзгерген алдыңғы жағы, 19 дюймдік дөңгелек дискісі және жаңа жарық техникасы мен басқа қозғалтқыш қақпағы бар артқы жағымен ерекшеленеді.

1 / 19

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 19

Басты өзгеріс машинаның интерьері мен техникалық жағында. Салонда ретро стильдегі цифрлы аспаптар панелі, панельдің ортаңғы бөлігінде үлкен батырма мен ірі дисплей тұр. Сондай-ақ ерекше беріліс қорабының механизмі назар аудартады.

1 / 9

• 
• 
• 
• 
• 
• 
• 
• 
• 

1 / 9

Eccentrica V12 5.7 литрлік V12 моторының жаңарған нұсқасымен жүреді. 550 ат күші мен 600 Нм беретін агрегат 6 сатылы механикамен жұмыс істейді.

Сондай-ақ суперкар биіктікті реттеу мүмкіндігі бар бейімді аспа және заманауи Brembo тежеуішімен жабдықталған, шеберлер шассиді композитті материалмен жақсартқан.

Eccentrica V12-нің динамикалық сипаттамасы мен бағасы белгісіз. Бірақ суперкардың 19 экземпляры ғана шығатыны белгілі. Клиенттерге арналған машина өндірісі 2025 жылы басталады.