Lada X-cross 5 жобасы басталмай жатып тоқтауы мүмкін

Lada X-cross 5 кроссоверін (ол — FAW Bestune T77) құрастыру биыл маусымда ресми басталған, бірақ автомобиль әлі саудаға шықпады. Lada-ның ресми сайтында кроссовер туралы ақпарат жоқ. «Русский автомобиль» инсайдерлері АВТОВАЗ бен FAW келісімге келе алмағандықтан, жоба тоқтауы мүмкін екенін айтты.

Дереккөз таратқан ақпаратқа сүйенсек, көлік құрастыру басталғанымен, АВТОВАЗ бен FAW қажетті құжаттарға қол қоймаған. Лицензия мәселесінде де қос тарап келісе алмапты, мысалы, АВТОВАЗ машинаны өз брендімен сатуға рұқсат ала алмай отыр. Сол себепті алғашқы Lada X-cross 5-те FAW логотипі болды деген сыбыс бар.

Сондай-ақ қос тарап Тольяттиде Қытайдан келген автожинақтан кроссовер құрастырып қана қоймай, модель локализациясын жақсартуға мүмкіндік беретін ұзақ мерзімді келісімшарт жасаған жоқ.

Инсайдерлер FAW концерні жобаның экономикалық тұрғыда тиімділігіне сенбей отырғанын хабарлады. Олар үшін өндірісті АВТОВАЗ-ға бергеннен гөрі машинаны Қытайдан жеткізіп, өздері сатқан пайдалы болуы мүмкін. Лицензия жөнінде келісімге келе ала ма, оның шарты қандай болады, бұл жағы әлі белгісіз.

Мыңға жуық Bestune T77 автожинағын әкелгенімен, Санкт-Петербургтегі зауыт жұмысы тоқтап тұр. Бірақ зауыт жұмысшылары өндіріс алаңын Chery сияқты өзге Қытай брендін құрастыруға дайындап жатыр.

Сондай-ақ Chery Калугадағы бұрынғы Volkswagen зауытына қызығып отыр деген ақпарат бар, онда Tiggo 7 Pro Max моделін шығаруы мүмкін. Бірақ Chery мен зауыттың қазіргі иесі AGR келісім жасағаны туралы ресми ақпарат жоқ.