Жарық көргеніне төрт жыл болған Lada Vesta-ның жаңартылатыны жайлы бірнеше рет айтылған. Әлеуметтік желіде оның интерьер суреті де шыққан еді. Аталмыш автомобиль 2019 жылы жарыққа шығады деп күтілген, бірақ бұл жоспар іске аспай қалды.
— Көлікті шығару мерзімі келесі жылдың басына қалдырылды, АВТОВАЗ жаңартылған Lada Vesta-ны осы күзде көрсетуі мүмкін, ал оның өндірісі жыл аяғына таман басталады, — деп хабарлады «За рулём» порталы.
Жаңартылған автокөлік жайлы нақты ақпарат көп емес, десе де біз судай жаңа бамперлер мен радиатор торын және дөңгелектерді көруіміз мүмкін. Сонымен қатар көлікте айнаны бүктейтін электрлі жетек пен гаджеттерді қуаттайтын сымсыз құрылғы пайда болып, алдыңғы панельдің құрылымы өзгереді.
Моторлар гаммасында еш өзгеріс болмайды, ал ББҚ топтамасында Nissan өндірген Jatco JF015E вариаторы пайда болады деп күтілуде.
Комментариев: 1