Былтыр жазда АВТОВАЗ автомобильдерін Еуропадағы дилерлерге жеткізуді тоқтатты (Granta, Vesta және 4×4). Мұндай шешімге ЕО-ның экологиялық нормаларға қоятын шарттарды қатаңдатқаны себеп болды. Бірақ бұл нарықтың жабылуы айтарлықтай қаржылық шығын әкелген жоқ. Дегенмен рестайлингтен өткен Lada Vesta FL Еуропа нарығына қайта шығады.
Зауыт жаңа өнімге қатысты ешқандай мәлімет бермеді. Алайда автокөлік туралы қауесет кәсіпорын ішінде ақпарат көзі бар кейбір әлеуметтік желі парақшаларында тарады. Оған сенсек, жаңарған «Вестаға» модернизациядан өткен 1,8 литрлік агрегат орнатылады. Ол 6 сатылы механикамен жұптаса жұмыс істейді. Қозғалтқыш қуаты 136 ат күші мен 175 Нм моментке жетеді. Ал ВАЗ-21179-дың қазіргі моторы 122 ат күші мен 170 Нм береді.
Еуро-6 стандартына сәйкес келетін бұл қозғалтқыш (CO2 шығарылымы 95 г/км-ден аспауы керек) «Вестаны» Еуроодақта қайта сатуға жол ашады. Бастапқы нұсқасының (1,6) бағасы 15 мың еуродан басталды. Бұл модель біздің елде 4,9 миллион теңге (9,5 мың еуро) тұрады.
Lada Vesta FL-дің қашан таныстырылатыны әлі белгісіз. Әзірше автоконцерн өнімдерінің ішінде жаңарған Granta-ға сұраныс жоғары.
Комментариев: 0