Жаңа Lada Vesta-ның салон сызбалары желіні шарлап кетті. Ол суреттер Санкт-Петербургтегі жабық таныстырылымда көрсетілген.
Жаңарған интерьерде көзге бірден түсетіні — Tesla Model S стилінде жасалған ірі тік дисплей. Экран климат қондырғысын басқару панелімен біріктірілген. Ресейлік БАҚ өкілдері таратқан ақпарат бойынша, көлікте гаджеттерді қуаттауға арналған сымсыз құрылғы пайда болады.
Есік карталарының, орталық тоннельдің және беріліс қорап тұтқасының пішіні өзгеретінін аңғару қиын емес. Ал егер назар салып қарасақ, тұрақ тежегішінің иінтірегі жоқ екенін байқамыз. Lada Ride Select селекторы да осында.
Алдын ала мәліметтерге сай, жаңартылған Vesta 2020 жылы нарықта пайда болады. Жаңа интерьерден бөлек, көлік жақсартылған сыртқы пішінге ие болады, ал беріліс қораптарының гаммасында жапониялық Jatco JF015E вариаторы бар.
Комментариев: 0