Lada Niva Travel электромобиль болуы мүмкін

АВТОВАЗ электрлі күштік құрылыммен жүретін Niva Travel-дің концептісін таныстырды. Жол талғамайтын көлікке ресми түрде «технологияны көрсетуші» деп атапты. Бірақ жүріс қоры небәрі 175 шақырымға жететін көліктің кейбір бөлігін болашақта сериялық модельдерден көріп қалатын сияқтымыз.

1 / 17

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 17

Электромотор дәстүрлі мотордың орнын алады, батареялар артқы диванның артында және жүксалғышта тұрады, сол себепті жүк қоятын жерде орын азайды. Мотордың номинал қуаты 82 а.к. құраса, ең көбі 163 күш береді. Аккумулятор элементтерінің жалпы сыйымдылығы — 34 кВт⋅сағ.

Әлі расталмаған деректерге сүйенсек, «еШнива» іштен жанатын қозғалтқыш пен механикалық қораптан арылады, бірақ үлестіргішін сақтап қалады. Демек, машина бұрынғыдай толық жетекті болады. Салонында дөңгелек трансмиссия селекторы көзге түседі, салоны екі түсті былғарымен қапталады.

1 / 14

• 
• 
• 
• 
• 
• 
• 
• 
• 
• 
• 
• 
• 
• 

1 / 14

Шанағы да екі түске боялады. Одан бөлек e-Niva-ны бірегей алдыңғы бамперінен, түрленген радиатор торы мен ұзын оптикасынан танисыз. Біраз уақыт бұрын инсайдерлер 2025 жылы модель жаңарады деген. Батареялы Niva Travel-дің қазіргі түріне қарап, бензинді модель рестайлингтен кейін қалай өзгеретінін болжауға болатын сияқты.