«Нива Трэвелге» айналған бұрынғы «шниваның» рестайлинг нұсқасы алдыңғы модельден 43 мм ұзын және 4 мм жалпақ. Бұның арқасында оське түсетін жүктеме азайған, қазір алдыңғы бөлікке түсетін жүк салмағы 990 келіден, ал артқы бөлікке түсетіні 1050 келіден аспауы тиіс.
Капот астына бұрынғы 80 ат күші мен 127 Нм айналу моментін төрт дөңгелекке беретін 1.7 литрлік төрт қатарлы мотор орнатылған. Ол 5 сатылы механикамен жұмыс істейді.
Салоны да онша өзгермеген. Үздік нұсқасында мультимедиа жүйесінің 7 дюймдік цифрлы экраны, артқы көрініске арналған камера, электрлі әйнек көтергіш пен сыртқы камералардың электрлі жетегі бар. Бұл көлікте көмекшілер болады деп күтудің қажеті де жоқ.
Lada Niva Travel стандартты төрт орындық және бес орындық Off-road нұсқасында шығарылады. Бірақ қандай жиынтықтары болатынын, олардың бағасы мен қашан сатыла бастайтынын АВТОВАЗ кейінірек хабарлайды.
Айтпақшы, өндірушінің атау ауыстыру үрдісі «Нива Трэвелмен» аяқталмайтын сияқты, бұрын «Нива» болған Lada 4×4 жуырда Lada Legend деген атауға ие болады.
Комментариев: 0