Ресейдегі аса ірі жеңіл көлік өндіруші Renault (68%) мен «Ростех» (32%) иелігінде екені белгілі. Lada автомобильдерінің бағасы 2021 жыл басталғалы алты рет құбылды. Оған не себеп болғанын «Ростех» басшысы Сергей Чемезов түсіндірді.
«Модельге байланысты 9-12% шамасында, яғни бәсекелестермен деңгейлес. Біз бүкіл модельдің құнын бір уақытта арттыра алмаймыз, себебі бәсекеге төтеп бере алмаймыз. Біз бәсекелес компаниялар, мысалы, Hyundai немесе Kia-да баға қаншалықты көтерілгеніне мән береміз. Бәрі нарыққа байланысты. Көлік құнын бәсекелестерден төмендеу болатындай етіп белгілейміз».
Чемезов машиналар жаһандық инфляцияға байланысты қымбаттап жатқанын айтты. "Ол сандарды өзіміз ойлап таппаймыз, оны нарық белгілейді. Қазір жаһандық инфляция жайлаған уақыт, бұл шикізат — болат, пластик, металл және электронды компоненттер қымбаттағанын білдіреді. АВТОВАЗ әзірше бағаны барынша орташа деңгейде сақтауға тырысуда, әрі қарай ол шикізат құнына байланысты болады. Қымбаттаса да, өсім Lada көліктерінің бәсекеге қабілетіне әсер етпейтіндей көтеріледі. Оның ойынша АВТОВАЗ өнімдері сапасы мен техникалық жағынан шетелдік машиналардан кем түспейді.
Еске салайық, қазан айындағы нәтиже бойынша Қазақстанда Lada көп сатылған үздік бес марка қатарынан көрінді. Көлік құны қанша шарықтаса да, оны алам деушілер азаяр емес.
Комментариев: 0