Жапония жолдарында ара-тұра УАЗ көліктері кездесіп қалады, әсіресе «Буханка» мен «Ниваны» атауға болады. Енді бұл елге рестайлингтен өткен Lada Largus Cross жеткізілді.
Жапония порттарының біріндегі қоймада тұрған модельдің фотосуреті сол елге көлік жеткізумен айналысатын Le Parnas компаниясының твиттер парақшасында жарияланды.
Владивостоктан әкелінген 106 ат күшіне ие 1.6 литрлік моторы бар (механика) су жаңа «Ларгус» Жапонияда 3.38 миллион иенге (13.1 млн теңге) сатылады. Қазақстанда Largus Cross-ты 5.8-7.1 млн теңгеге аласыз.
Le Parnas Жапония тұрғындарына Largus-тан өзге де ресейлік көліктер ұсынады. Компанияның сайтынан жаңа УАЗ модельдері мен «Нива» машиналарын табуға болады. Niva Travel Жапонияда 2.98 миллион иен (11.5 миллион теңге) тұрады.