Lada Iskra Ресейде қанша тұрады

АВТОВАЗ-дың негізгі жаңа өнімі — Lada Iskra топтамасының бағасы белгілі болды. Модельдің үш шанақ типі болады, олар үш түрлі күштік құрылым және төрт комплектацияда саудаға шығады.

1 / 6

• 
• 
• 
• 
• 
• 

1 / 6

90 ат күшіне ие 1.6 литрлік мотор және механика қорабы бар седан шанағындағы қарапайым Iskra 1 249 000 рубль (8.5 млн теңге) тұрады. Мұндай машинаның жабдықтар тізімінде екі қауіпсіздік жастығы, базалық электронды көмекшілер жинағы және алдыңғы есіктегі электрлі әйнек көтергіш бар. Кондиционер сияқты опциялар бұл түрленімде болмайды.

Life түрленімі кондиционер, жылытуға болатын алдыңғы кресло және 106 ат күшіне ие 1.6 литрлік қозғалтқышпен жабдықталған. Оның бағасы — 1 319 000 рубль (8.9 млн теңге). Ал Enjoy нұсқасы круиз-бақылау, 8 дюймдік экраны бар медиажүйе және рөлді реттеу мүмкіндігімен ерекшеленеді. Мұндай машинаны 1 439 000 рубльге (9.76 млн теңге) алуға болады.

1 / 8

• 
• 
• 
• 
• 
• 
• 
• 

1 / 8

Ең үздік Techno комплектациясы артқы көрініс камерасы, жылытуға болатын артқы диван, жылытуға болатын рөл мен алдыңғы әйнек сияқты опциялар жинағымен толыққан. Сондай-ақ көлікте парктроник сияқты бірқатар функция болады. Мұндай машина 106 ат күшіне ие 1.6 литрлік мотор және 6 сатылы механика немесе CVT қораппен сатылады. Бағасы — 1 579 000–1 669 000 рубль (10.7–11.3 млн теңге).

Iskra SW универсалы Enjoy комплектациясында ғана қолжетімді. Оның 90 ат күшіне ие мотор және механика қораппен жүретін нұсқасы — 1 499 000 рубль (10.2 млн теңге), ал 106 күшке ие қозғалтқыш пен вариатор қорабы бар нұсқасы 1 649 000 рубль (11.2 млн теңге) тұрады.

Ең қымбат Iskra — SW Cross. Кросс-универсал Enjoy және Techno комплектациясында сатылады. 106 ат күшіне ие мотор 6 сатылы механика немесе CVT қораппен жұмыс істейді. Мұндай машинаны 1 629 000–1 799 000 рубльге (11.1–12.2 млн теңге) алуға болады.

Модель Қазақстанда қанша тұратыны қазірше белгісіз, бірақ Ресейдегіден қымбат болатыны анық.