Lada Iskra-ның мотор гаммасы белгілі болды

АВТОВАЗ біраз уақыт бұрын жаңа машина 2024 жылдың аяғында жолға шығады деп мәлімдеген, енді оны 2025 жылдың басында өндіре бастайтынын хабарлады. Бренд өкілдері оны «жоғары технологиялы платформаға (француздардан қалған CMF-B) негізделген ең арзан ресейлік автомобиль» болады деп санайды. Сол себепті халық арасында сұраныс жоғары болатынына сенімді.

«Мотор» басылымы «искраның» капот астында не тұратынын анықтапты. Жұрт күткендей, машина Lada Vesta-ның агрегаттарымен бірдей болады. Базалық Iskra 5 сатылы механикамен жұптасқан 1.6 литрлік 16 клапанды қозғалтқышпен жүрсе, үздік нұсқалары 1.8 Evo моторының көмегімен қозғалады. Бұл агрегат WLY вариаторымен не JAC-тың 6 сатылы механикасымен жұмыс істейді.

Ал салон архитектурасы патенттік суреттер арқасында жария болды.