Lada Iskra мен Vesta кроссовері қашан шығады

Ресейдегі өнеркәсіп иелері мен кәсіпкерлер съезінен тысқары уақытта АВТОВАЗ басшысы Максим Соколов жаңа Lada Iskra 80 %-ға дайын екенін және шанақты құрастыру мен дәнекерлеу процесін ретке келтіріп жатқанын айтты.

Соколов «Искра» 2025 жылдың басында өндіріске шығатынын растады, бірақ ол үшін әлі бірнеше компонентті локализациялау қажет. Топ-менеджердің айтуынша, ВАЗ көліктерінің жаңа топтамасын құруға 37 миллиард рубль жұмсалған, деп хабарлады ТАСС.

Жұртшылыққа мүлдем беймәлім Lada Vesta негізіндегі кроссовер 2026 жылдың басында конвейерге тұруы үшін компоненттерді локализациялау жұмыстары жүріп жатыр.

«Дизайнды бекітіп, жеткізушілеріміз үшін тендерлерді аштық. Біз бұл көліктің компонентті базасын локализациялау үшін жылдам алға жылжып келеміз. Бұл жұмыс «Искраға» қарағанда біршама ұзаққа созылады, өйткені машина жаңа платформада жасалып жатыр. Иә, ол Vesta платформасын пайдаланады. Бірақ артықшылығы — толығымен өзіміздің, АВТОВАЗ-дың, біздің отандық платформа. Сондықтан бізге жұмыс істеу оңайырақ болады. Дегенмен көлік мүлдем басқа заманауи дизайн алады.» — деді Соколов.