Lada Iskra «Грантаның» орнын баспайды

Санкт-Петербург халықаралық экономикалық форумында Lada Iskra-ның тұсаукесері өтті. Марка қазірше седанды ғана көрсетті, алда екі универсал шығады, оның бірі әдеттегі универсал болса, екіншісі клиренсі биік, қорғаныш бастырығы бар кросс нұсқа болады.

Ұзындығы 4.4 метр, дөңгелек базасы 2.65 метр болатын «Искра» бюджеттік «Гранта» мен «Вестаның» арасында орналасады. Бұлардың бәрі параллель шығады. Өзара бәсекелес болмау үшін соңғысы үздік опциямен толығып, жоғары баға сегментіне көтеріледі.

ВАЗ көліктеріне бір кездері Стив Маттин енгізген X-стиль әлі өзекті. Iskra Vesta-ға ұқсайды, олардың қайсысы жаңа екенін бірден анықтау қиын.

«Искра» Renault-Nissan CMF-B-LS платформасының жергілікті нұсқасына негізделген, бренд оның 400-ге жуық компонентін «дос елдерден» келген бөлшекпен ауыстырды. Алдыңғы аспа McPherson, артқы жағы жартылай тәуелсіз. Машина тек алдыңғы жетекті болады.

1 / 12

• 
• 
• 
• 
• 
• 
• 
• 
• 
• 
• 
• 

1 / 12

Базалық мотор — бес сатылы механикамен жұмыс істейтін 90 ат күшіне ие 8 клапанды 1.6 литрлік қозғалтқыш. Ал 106 ат күшіне ие 16 клапанды 1.6 литрлік мотор 6 сатылы механика немесе қытайлық WLY вариаторымен жұптасады, оны бұған дейін Vesta-ға қойған. Марка АИ-95 бензинін құюды ұсынады, бірақ АИ-92 құюға да болады. Болашақта 1.8 литрлік EVO моторы бар спорттық нұсқасы шығуы мүмкін, бірақ бұл нақты ақпарат емес.

Компания Iskra мен Granta-ның салонында бірде-бір ортақ деталь жоқ екенін хабарлады. Аспаптар панелі аналогты, тахометр мен спидометр арасында шағын борткомпьютер экраны бар. Ортаңғы консольде Yandex бағдарламалық жасақтамасы бар көлденең мультимедиа планшеті тұр, оның астында кондиционер мен өзге салон функцияларын басқару блогы, үш шайба және физикалық батырмалар орналасқан.

1 / 13

• 
• 
• 
• 
• 
• 
• 
• 
• 
• 
• 
• 
• 

1 / 13

CMF платформасы қауіпсіздік пердесін орнатуға мүмкіндік береді, бірақ марка екі алдыңғы эйрбэг қоюды шешті. Машинада круиз-бақылау, парктроник, жаңбыр сезгегі және жылытуға болатын алдыңғы орындық бар. ESP өшіру батырмасы бар, бірақ жүйені кейін орнатады.

АВТОВАЗ-дың бас директоры Максим Соколов «Искра» егер дәл қазір саудаға түссе, шамамен 1–1.2 млн рубль (5–6 млн теңге) тұратынын айтты. Бірақ модель өндірісі 2025 жылы ақпанда басталатынын ескерсек, баға өзгеретіні анық. Қазір Lada Iskra соңғы сынақтан өтіп жатыр, сондай-ақ салон жабдықтарын жеткізетін компаниялармен келіссөз жүріп жатыр.