Lada Granta Active Cross жарық көрді

Lada жанкүйерлеріне арналған іс-шара бейресми жағдайда, орман маңындағы демалыс базасында өтті. Онда зауыт жаңа өнімдерін жұрт назарына ұсынды. Олардың арасында «Гранта» палитрасына жақында қосылған қызыл металлик «фламенко» түсті Lada Granta Active Cross кросс-лифтбекі де болды.

Кросс-универсал сияқты бұл нұсқаның да базалық модельден бірнеше айырмашылығы бар. Атап айтқанда, клиренсі 180-нен 198 мм-ге артқан, боялмаған пластиктен жасалған қорғаныс бастырығы және геометриялық мүмкіндігін жақсартатын өзгеше бампер орнатылған.

1 / 5

• 
• 
• 
• 
• 

1 / 5

Көрмеге қойылған машина зауытта ең жоғарғы деңгейде жабдықталған. Тізімде ортаңғы құлып, круиз-бақылау, климат-бақылау, барлық есіктегі электрлі әйнек көтергіш, тұманға қарсы шам және артқы әйнек тазалағыш бар.

Granta Active Cross «Гранта» үшін стандарт саналатын 1.6 литрлік бензинді мотормен жүреді. Қозғалтқыштың 8 және 16 клапанды екі нұсқасы (тиісінше Comfort және Enjoy комплектациясына қойылады) бар. Қуаты — 90 және 106 ат күші. 5 сатылы механикамен жұптаса жұмыс істейді. Бағасы машина саудаға шығатын шілдеге қарай белгілі болады.

Компания «Пикник АВТОВАЗа» шоуының мерейтойына орай кросс-лифтбекпен бірге сериялы «Искра» универсалын, ашық қызғылт сары түсті «Нива Спортты» және «копейка» сияқты әлдеқашан өндірістен шыққан АВТОВАЗ көліктерін көрсетті.