Lada дилерлері «ларгус» бағасын аспандатып жіберді

АВТОВАЗ өндірісті Ижевскіге ауыстырмай тұрып Тольяттидегі зауыттан Lada Largus шығарды. Жергілікті БАҚ сатушылар еш қысылмай «ларгусты» миллион рубльге өткізіп жатыр деп хабарлады.

Lada Largus-тың 90 ат күшін беретін және арзан жиынтық түрімен ұсынылатын базалық нұсқасының бағасы шамамен 2 миллион рубльден басталады. 2.1-2.28 миллион рубль деген баға да бар.

«Автопоток» телеграм-арнасы Lada-ның ресми дилерінің коммерциялық ұсыныс деп аталған хабарламасын жариялады. Онда дилер Largus-ты (90 а.к.) 2.5 миллион рубльге ұсынғанмен, неге осынша қымбат екенін түсіндірмеген.

Дилерлік орталықтарда сатылып жатқан автомобильдің бәрі түрлі қосымша құрылғымен жабдықталған. Қымбат болуы осыған байланысты сияқты. АВТОВАЗ бұған дейін өкілдерін баға көтермеуге шақырып, келісімшартты бұзамыз деп қорқытқан. Бірақ соңғы «ларгустар» жаппай өтіп жатқандықтан, сатушылар пайдаға кенелді. Концерннің тамызда өз сайтынан Lada Largus-тың ресми бағасын алып тастауы да жағдайды ушықтырып жіберді.

Конвейерден түскен көлік аз болғандықтан, сұраныс артып, бағасы да шарықтап кетті. Соңғы тиражда Тольяттидегі зауыт 650 Largus шығарды. Бренд дилерлерінің әрқайсысына бір-екі автомобильден бұйырыпты. Оларды шоурумға шығарудың да қажеті болған жоқ.

АВТОВАЗ өндірісті Ижевскіге ауыстыруды бастап кетті. Процесс бірнеше айға созылады. Осылайша жаңа «ларгустар» 2024 жылы қайта саудаға түседі.