Lada стала самой редкой машиной в Великобритании

Lada — Англияда ең сирек кездесетін машина

Көп уақыт бұрын Riva деп аталатын кеңестік «жигули» бұл елде үлкен сұранысқа ие болған.

Lada Riva деген атаумен танылған төрт есікті машина Ұлыбританияда жоғалып бара жатқан көліктер тізімінің басында тұр. DVLA (Driver and Vehicle Licensing Agency) көлік құралдарын есепке алу жөніндегі деректер базасындағы мәліметке сәйкес, 2020 жылдың қаңтарында елде мұндай көліктің небәрі 49 данасы қалыпты.

Lada стала самой редкой машиной в Великобритании

Маргарет Тэтчер билік еткен тұста арал тұрғындары жыл сайын құны 3 мың фунт тұратын Lada-ның 30 мың данасын сатып алды. Ол кезде седанмен қатар төртінші үлгідегі универсал да сұранысқа ие болды. Рөлі оң жақтағы «ладалардың» азаюына 1990 жылдары АВТОВАЗ көліктерінің солжақты бағытта қозғалатын елдердің нарығынан кетуі ықпал етті, артынша қосалқы бөлшектерді жеткізу тоқтады. Бұл жағдай үлгінің қатарын сиретті.

Lada стала самой редкой машиной в Великобритании

Сирек көліктер тізіміндегі екінші және үшінші орынға 89 данасы қалған Alfa Romeo 146 мен 218 данасы бар Fiat Uno жайғасты. Сонымен қатар бюджеттік раритеттер тізімінде Renault 21 (221), Citroen BX (286), Nissan Bluebird (324), Volvo 440 (407) бар.

Retro Cars редакторы Крейг Читхэм 80 жылдардағы машиналардың тым аз болуын тек олардың жасымен ғана емес, тұтынушылық сұраныстың дамуымен де байланыстырады. Автокөлік құнды активтен бір реттік өнімге айналды. «Бабында ұстап, жөнде» (make good and mend) философиясы «қаржыландыр да, ауыстыр» (finance and replace) деген түсінікке ұласты. Олай болса, «мәңгі жасайтын» машина шығарудың не қажеті бар?

Lada стала самой редкой машиной в Великобритании

Комментариев: 0

Чтобы оставить комментарий, вам необходимо зарегистрироваться или авторизоваться.