Өнертапқыш күннен қуат алатын электромобильмен үш мың км жол жүруді жоспарлап еді, алайда күнмобиль небәрі мыңға жуық шақырымды еңсерді.
Аралдан 200 км жердегі Е38 тас жолында машина бұзылып қалды. Күнмобильдің қаңқасы жол сынағына төтеп бере алмай, алдыңғы бір амортизатордың бекітілген жері шытынап кеткен. «Альфа» мопедінен алынған дөңгелек дискісінің де жағдайы жақсы емес. Дөңгелектің бекітілген жері төмпешіктен өткенде шытынапты.
Блогер интернеттегі арнасында өзіне көмек қажет екенін хабарлады. Саяхатшыға дөңгелек пен дәнекерлейтін құрал керек.
Никита әзірше сапардан бас тартуды қаламайды, ол жылдамдығы 40 шақырымнан аспайтын көлігімен Талдықорғанға жетуге бекініп отыр.
Комментариев: 0