Көп қабатты үйден құлаған кафель Mazda Xedos-ты бүлдірді

Тұрғын үйден құлаған бөлшектер машинаны зақымдады. Әлеуметтік желіде тараған видеодан Mazda-ның төбесін, артқы есігі мен тірегін өткір сынықтар тесіп кеткенін көруге болады. Одан бөлек көліктің люгі сынған, басқа да бүлінген жерлері бар. Машина Нұр-Сұлтан қаласы Есіл ауданындағы «7 бочек» тұрғын үй кешенінің жанында тұрған екен.

Посмотреть эту публикацию в Instagram

Публикация от Kris P Brothers Astana (@kris_p_nursultan_official)

Кешен 2005 жылы пайдалануға беріліпті. Тұрғындардың айтуынша жел соққан кезде үй қабырғасынан тақтайша (плитка) ұшады. Үй маңында жүру өте қауіпті.

Мұндай төтенше жағдай кезінде көлік иесі не істеу керек екенін Kolesa.kz редакциясы бұған дейін жазған. Бірақ онда құлаған ағаш туралы сөз болды, дегенмен бүгінгі жағдай да соған ұқсас екені анық.

Мұндайда дереу полицияға хабарласып, автокөліктің бүлінген жерін суретке түсіріп алу керек. Хаттама толтырғанда ешкімге шағымыңыз жоқ екенін айтпаңыз, бұл өтемақы алудан өз еркімен бас тарту ретінде қабылдануы мүмкін.