Концерн тежеуіш жүйесінің электронды блогындағы мәселені шешу үшін қомақты қаражат жұмсайды. Сервистік кампания сатылмаған көліктерді қосқанда 1.5 миллионнан астам автомобильді қамтуы мүмкін. Қытайдағы сауда төмендеуімен қатар, алдағы шығын BMW-ны 2024 жылға арналған болжамды қайта қарауға мәжбүр етті.
Тежеуіш магистралінің қысым деңгейін тұрақты ұстап тұратын IBS жүйесінің электронды контроллерінен кемшілік табылған. Кейбір мәліметке сәйкес, бұл блокты Continental фирмасы жасаған. Өндіруші бұл компонент толық істен шықса да тежеуіш істейді және автомобильді кез келген жағдайда тоқтатуға болатынын атап өткен. Дегенмен сервиске шақыру және көлік жеткізуді тоқтату туралы шешім қабылдады. Бренд сервиске көбінесе Қытай, АҚШ, Германия және Оңтүстік Кореядағы көліктерді шақырады.
BMW мәселені шешуге миллиондаған еуро кететінін ресми мәлімдеді. Шығын мөлшері бір миллиард еуроға жетуі мүмкін. Компания BMW үшін ең маңызды нарықтардың бірі Қытайда тоқырау жалғасып жатқанын хабарлады. Осыған байланысты өндіруші 2024 жылға қатысты болжамын өзгертті. Бұрын BMW осы жылды сауданың аздап өсуімен аяқтайды деп болжанса, енді әлдеқайда төмен болатын сияқты. Сонымен қатар тиімділік, пайда көлемі мен басқа да қаржылық көрсеткіштер төмендейді деген болжам бар.
Volkswagen концерні соңғы кездері тап болып жатқан қиындықтарды ескере отырып, нарық сарапшылары неміс автоөнеркәсібінде дағдарыс болуы мүмкін дейді.
Комментариев: 0