Электронные ПТС уже выдают в Казахстане

Көліктің электронды төлқұжаты қолданысқа енді

Жүйе 2021 жылы 1 сәуірде іске қосылды.

«Ұлттық ақпараттық технологиялар» АҚ Қазақстанда көліктің электронды төлқұжаты енгізілгенін хабарлады. Жобаны ҰАТ мамандары ҚР ИИДМ және ҚР ЦДИАӨМ-мен бірге дайындады. Жүйе 2021 жылы 1 сәуірде іске қосылды.

Электронды құжат жаңа және шетелден жеткізілген көліктердің барлығына беріледі. Машина иесінің қалауы бойынша қазірден бастап аталған құжатты жасата беруге болады.

Электронды төлқұжатта көлік құралының техникалық сипаттамасымен қатар машина иесі, тіркеу әрекеттері, утилизациялық алым мен кедендік салықтың төленгені, сонымен қатар жол-көлік оқиғалары және техникалық байқаудан өту туралы мәліметтер болады. Құжат ЕЭО-ға мүше елдерде автомобиль сату және сатып алу процесін қауіпсіз әрі ашық етуге мүмкіндік береді.

Қазірше ресми импорттаушылардың қайсысы электронды төлқұжат ала бастағаны белгісіз. Сонымен қатар құжатты рәсімдеу қанша тұратыны да анық емес. 2018 жылы ИИДМ өкілдері электронды төлқұжаттың бағасы 4,5 мың теңге болады деп болжаған.

Kolesa.kz редакциясы ҚР ИИДМ-ге бірқатар сұрақ жолдады. Жақын арада ресми жауап аламыз деп үміттенеміз.

Комментариев: 0

Чтобы оставить комментарий, вам необходимо зарегистрироваться или авторизоваться.