Көлік ұрлап, армансыз көше кезген жігіт ұсталды

Атыс-шабысқа толы фантастикалық «Разрушитель» фильмі естеріңізде ме, онда Уэсли Снайпстың кейіпкері қалада ойран салады, ал заң қызметкерлерінің қолынан түк келмейді. Сол жағдай өмірде қайталанды, бұл жолы да оқиға Лос-Анджелесте өрбіді.

Өткен бейсенбіде түн ауа Беверли-Хиллз ауданында афроамерикалық автосалонға кіріп, асықпай сәйкес кілтті тауып, автотұрақтағы су жаңа Toyota Crown-ды айдап кетті. Оқиға орнына дереу жеткен полицейлер қылмыскерге еш бөгет болмай, оның заңсыз әрекетін қашықтан бақылаған.

Тәртіп сақшыларының жолдағы баяу әрі жүйесіз әрекеті еш нәтиже бермеді. Тек бұзақы мінген машинаның дөңгелегін тескен соң ол форма кигендерден құтылу үшін әлдеқайда қымбат әрі жылдам машина тізгіндемек болады. Құқық қорғау қызметкерлері O’Gara Bentley Lamborghini шоурумының әйнегін шаққанда ғана жүргізушіні электрошокер қолданып тоқтатты.

Билік өкілдері ұсталған азаматтың 22 жаста екенін ғана айтып, басқа ешқандай мәлімет бермеді. Оған қандай айып тағылғаны да белгісіз. Ақпарат таратқандар түнгі оқиғадан ешкім зардап шекпеді дегенге баса назар аударған.

Жазасыз қылмыс бассыздыққа әкеледі деген жазылмаған заң уақыт пен аймаққа қарамастан өзекті болып қала береді. Бұны тек АҚШ-та емес, әлемде ұмыта бастаған сияқты.