Индустрия және инфрақұрылымдық даму министрлігі тиісті бұйрықты 12 қазан күні жариялады. Бірден күшіне енген құжат газ баллоны бар машинаны техникалық тексерістен өткізу барысындағы бір кезеңді реттейтін тармақшаның күшін жояды. Енді тексеріс алдында көлік иесіне газ баллон құрылғысының тексерілгені және сәйкестігі туралы куәлік көрсетудің қажеті жоқ.
Бұл шара 2023 жылдың 1 шілдесіне дейін жалғасады.
Құжатты әзірлеген ҚР ИИДМ көлік бақылау басқармасы ГБҚ тексерумен арнайы орталықтар айналысуға тиіс екенін айтты. Бірақ Қазақстанның көп қаласында ондай орын жоқ, сол себепті газбен жүретін көлік иелерін құрылғыны сынау мен ақау бар-жоғын тексеруден уақытша босату мүмкіндігін қарастырған.
Әзірше машинасындағы газ баллонның техникалық жағдайын әр жүргізуші өзі қадағалайды.
Комментариев: 0