«Мой Город» порталы берген ақпаратқа сүйенсек, 14 қаңтар күні таңғы уақытта Ақтөбеде жарылыс болды. Артынан өрт шығып, жанындағы бірнеше гараж отқа оранған. Қызыл жалынды ауыздықтауға бес техника мен 21 өрт сөндіруші қатысты.
Кейін белгілі болғандай, гаражда тұрған газ баллоны бар автомобиль жарылған екен. Күйіп қалған көлік иесі ауруханаға жеткізілді. Жарылыс салдарынан үш гараж бүлініп, екі автокөлік өртеніп кетті. Апатқа нақты не себеп болғаны әзірше белгісіз.
2019 жылы осындай жағдайдан қауіптенген шенділер өрт қауіпсіздігіне қатысты ережеге түзету енгізді. Құжат қозғалтқышы сығылған газбен және сұйытылған мұнай газымен жұмыс істейтін автокөліктерді жабық тұраққа қоюға тыйым салатын 1099-1-тармақпен толықты.
Комментариев: 0