Ақша табудың ең қарапайым, бірақ қауіпті түрі тағы да ел назарына ілікті. 27 қаңтар күні таңғы уақытта Жұмабаев пен Кассин көшелерінің қиылысында ер адам көлік қағып, зардап шеккеннің кейпіне түскен. Жүргізушінің көлігінде бейнетіркеуіш орнатылыпты. Мұндай жағдайда алаяқтар тәртіп сақшылары келгенше кетіп қалуға тырысады, алайда бұл жолы бәрі керісінше.
Заңгерлердің айтуынша, мұндай кезде «зардап шегушінің» ақша бопсалау мақсатында көлік астына өзі түскенін дәлелдей алғанда ғана алаяқты жауапкершілікке тартуға болады. Іс жүзінде бұл өте қиын, әрі іс көбіне сотқа жете бермейді.
Алматы қалалық полиция департаменті хабарлағандай, таңғы сағат 7:31-де 102 нөміріне мас күйдегі ер адамның жолдың жүргін бөлігінде жүгіріп, көліктердің астына секіргені жайлы қоңырау түскен. Аталған орынға аттанған «Боран» дәл осы оқиғаның үстінен түсіпті. Ер адамның атына мас күйде қоғамдық орынға барғаны үшін хаттама толтырылған.
Тут мошенники ЖоПо