ШҚО-ның Сыбайлас жемқорлыққа қарсы қызметі көлік бақылау инспекциясының қызметкерлерінен тұратын қылмыстық топтың жолын кесті. Топ мүшелері жүк тасымалдаушыларды өңірден кедергісіз өткізу үшін ақы алып отырған.
Мекеменің баспасөз қызметі таратқан ақпарат бойынша жемқорлыққа қарсы қызмет 11 маманды ұстады, схеманы көлік инспекциясындағы бөлімдердің бірін басқарған адам ұйымдастырыпты. Пара мөлшері 10 мың мен 50 мың аралығында болған. Қылмыскерлер күніне 150 мыңнан 500 мыңға дейін пайда тауыпты. Жүргізушілер ақшаны қол алысу кезінде береді екен.
Агенттік 20 пара беру дерегін тіркеді. Төрт күдікті қамалды, қалғандары кінәсін мойындап, тергеуге белсенді қатысып жатыр.
Сөз реті келгенде айта кетсек, артық жүк тасығандардан ақы талап ету ШҚО-да ғана емес, әр аймақта бар деуге негіз бар. Бұл мәселе жайлы біз жүк көлігін жүргізушілер туралы видео түсіргенде айтқанбыз.
Комментариев: 0