Заң жобасын ҚР ИИДМ дайындады. Құжатқа сай артық жүк тиелген жүк көліктерінің жолда жүруіне тыйым салатын 38-бапқа бұл заңды бұзғаны үшін жүргізуші емес, көлік иесі жауапқа тартылатыны жазылады.
Көлік иесі ретінде автомобильге иелік ететін немесе оны уақытша иелік етуге алған тұлғалар танылады. Мұның жалға алу келісімшартын жасап, көлікті экипажымен алғандарға қатысы жоқ. Егер машина ел аумағында халықаралық қозғалыс бойынша жүрген болса, міндетті сақтандыру шартын жасаған сақтанушылар жауап береді.
Жоба авторларының айтуынша, қазір машинаны жалдау бойынша жалған шарт жасау артық жүк тасығаны үшін заңды тұлғаға салынатын айыппұлдан жалтарудың бір тәсілі болып отыр. Жалған келісімшарт жеке тұлға ретінде аз айыппұл төлейтін жүргізушімен жасалады. Заңға енетін өзгерістер мұндай заңсыз әрекетке жол бермейді, әрі көлік иелері мен тасымалдаушылардың жауапкершілігін арттырады.
Анықтама ретінде: Әкімшілік кодекстің 571-бабы, 6-тармағына сай, көлікке 1-ден 5 тоннаға дейін артық жүк тиелгені үшін жеке тұлға 40 АЕК, шағын кәсіпкерлік субъектісі — 80 АЕК, орта кәсіп субъектісі — 120, ал ірі кәсіп иесі 200 АЕК айыппұл арқалайды. Яғни, аталған заң бұзылғанда жеке тұлғаға салынатын айыппұл мөлшері әлдеқайда төмен. Осыған ұқсас жағдай габарит параметрлері бұзылғанда не арнайы рұқсатнамада көрсетілген бағыттан тайып, мерзімінен кешіккенде де байқалады.
Комментариев: 0