Kolesa.kz порталында Алматыдағы жалғыз дана қара түсті Tesla Cybertruck саудаға шықты.
Хабарландыруда екі моторлы Cybertruck саны шектеулі Foundation Series сериясының бірі екені жазылған. Ол пикаптың конвейерден алғаш шыққан экземплярларының бірі. Машинаның электрлі күштік құрылымы 600 ат күші мен 1008 Нм береді. Tesla оның жүріс қоры 550 километр екенін жариялаған. Мұндай Cybertruck алғашқы жүздікті 4 секундта еңсереді.
Фотосуреттердегі электромобиль қара түсті екені анық көрінеді. Иесі Tesla-дан қаптама пленкасын алған сияқты. Мұндай опция 6.5 мың доллар тұрады.
Машина АҚШ-тан ұшақпен жеткізілген, небәрі 2000 шақырым жол жүріпті. Бағасы — 120 000 000 теңге (253 540 доллар).
Tesla Cybertruck-ты алғаш рет 2019 жылы концепті ретінде көрсетті. Илон Масктың компаниясы модельдің сериялы нұсқасын 2021 жылы таныстыруға уәде еткен, бірақ бұл уәдесін олар 2023 жылдың желтоқсанында ғана орындады. Автомобильдің бірнеше түрленімі сатылып жатыр, арасында 845 ат күшіне ие 3 моторлы нұсқасы да бар.
Комментариев: 0